نروح هناك تقريباً كل weekend طبعاً لازم يكون بخصوص هدف ما غالباً على شان السينما.
لكن الان الرحلة على شان عيد وعلى شان تغيير الاماكن لووول، الا ان في الاونة الاخيرة صارت الافلام جداً جداً مملة ومافيه شي يذكر،يعني مثل رحلت اليوم ماكانت بخصوص فلم لان ندري مسبقاً انه مافيه فلم يستاهل وحتى لوقلنا نبغى نشوف فلم مشي حالك عارفين مسبقاً انه راح يكون زحمة على شان مناسبة العيد. طبعاً الرحلة اليوم كانت بخصوص انه ناخذ لنا كم فرة واخذ لي كتاب معين هناك
وعشاء وتوكل لوول.
اول صورة. طبعاً اشوي سيئة بسبب ان السيارة كانت تتحرك كثير فاصارت اشوي مهزوزة.
طبعاً كانت طلعتنا في الليل ووصلنا تقريباً على الساعة سبع ونصف اخذنا جولة في السيتي سنتر دخلت فيرجن حصلت كم
فيجرز وتي شيرتات رهيبين الا انه اسعارهم كانت جداً مبالغ فيهم مقارنةً بآمازون هممممم....يعني مثلاً تي شيرت حق بليتش
حصلته في امازون ب ١٧ دولار يعني تقريباً حدود ال٦٣ريال الا اني حصلته في فيرجن ب١١٥ريال -ـــــــ-!.
طبعاً مايحتاج المقبلات في البداية تجي لكن مانحب ناكلهم الامع الاطباق الرئيسية لكن معانا اشخاص ماتتحمل تشوف الاكل قدامه فاتشوفهم يستذبحون :p
اول طبق رئيسي وصل لنا هو الاسبجيتي صراحة ممتاز في هذا المطعم
وثاني طبق وصل لنا هو المصقعه لوول مادري اذا احد فيكم سمع فيها من قبل ولالا
هي تكون باذنجان محشو بالحم المفروم ويكون عليه الطماط وبعض الشغلات لوول بس اكله جيدة للي ماجربها يجربها
طبعاً ماننسى الكباب واحد من اهم الاطباق لوول
طبعاً هذا مشكل مشاوي :p
والطبق الرئيسي الثاني كباب ورز
طبعاً صحن فلافل لكن مسكين تم القضاء عليه اول مانحط على الطاولة
صورة اثناء الاكل
طبعاً بعدها خلصنا الاكل وانطلقنا الى المكتبة،،ميزة هذي المكتبة انك تحصل فيها كل ماتريد سواء كان ممنوع اوغير ممنوع سياسي
ديني علمي اي شي لكن اكييد مافيه منجا XD
الزبدة كان هدفي اني اخذ كتاب حق الكاتب المشهور والمعروف هاروكي موراكامي رواية كافكا على الشاطئ الرواية قديمة وكنت ابحث عنها من فترة لكن اخيراً حصلتها
التصوير سيئ نوعاً ما بسبب العدسة لكن عن قريب راح اشتري عدسة ممتازة
ليست هناك تعليقات:
إرسال تعليق