اوكيه طبعاً هذا نقاش اتخذته مع اكثر من شخص والكل يقول نفس الكلام ان كل الي اسويه مجرد غرور
طبعاً ماحدث اليوم هوا ان انا مع شخصين فتحو معاي الموضوع مرى ثانية وهم يقولون لي:جستس ليش كل هالغرور الي فيك؟
طبعاً اكيد بسئل وبقول لهم ليش؟
طبعاً بعد هالسؤال قام نقاش طويل وهوا الغرور من خلال الانتقاد هممم....يعني لما الواحد ينتقد الشي يكون مغرور؟ من رائيي لا مش مغرور لانها وجهة نظر مثلاً هذا مايعجبني، السؤال حيكون ليش؟
الجواب لانه فيه كذا وكذا وكذا وهذي الجوانب ماتعجبني بس هذا هو
اما الي يصير هنا والي يقولون لي لاغلط الي تسويه خطاء لازم تجامل؟ طيب انا اجامل على وشو على شي مايعجبني ولا احبه؟ هذي نقطة والنقطة الثانية الي يقول هالكلام لازم تجامل فيه امور لازم تجامل فيها لانه شي مايتطلب ارائ صح؟ وفي امور تتطلب ارائ
يعني مثلاً الحين من النوع الي يحب افلام دارمية من النوع الي تحل قضايا ومشاكل اجتماعية او فلسفية او سياسية او دينية وهكذا والافضل بنسبة لي يكون دارك لوحبيت اغير دراما كوميديا مثل العديد من الافلام مثل ليتل مس صن شاين
اما الاكشن فا مااحبه خير شر الا لو كان فيه نوع من القصص المعينة مثل ذا ماتريكس والي اعتبره التوب تن بنسبة لي لحتوائه على دراما رمزية رهيبة. غير هذا الكلام مااشوف
لانه اشوفها اشيا مستهلكه مكرره في اكثر من فلم الفلم لايحتوي على اي ميزة في نفس الوقت اشوفها استغلال لهم لنا على شان يزيدون من الانتاجية يعني على سبيل المثال ساو!!فلم معروف الاول كان فلم عجب الكثيييييير فالما شافو ان الفلم ناجح صار الفلم حلب كل جزء يحلبون لنا قصة مع ان الكاتب تغير لكن من الواضح يريدون استغلالنا هذا شيئ.
والشيئ الثاني طيب هم ليش مايتجهون للدارما؟ الايعتبر هم المغرورين؟ اذا بتقول ليش؟
انا اقولك، اذا انا بس اشوف دراما وانتقد اغلب الافلام الاكشن اعتبر مغرور اجل هم اذا بس يشوفون اكشن وعمياً عن الافلام الثانية ويخرضون غيرهم على ترك هذا النوع من الافلام والانتقال الى افلامهم اجل انا اشوفه غرور
طبعاً انا الى الان ماب عارف كيف اوصل المعلومة او كيف اشرحها.
طبعاً فيه امور ثانية يمكن هالشي يعتبر شي غريب على المجتمع الي انا عايش فيه
مثل العاب الفيديو جيمز، مشاهدة الانمي،قرائة المانجا،قرائة انواع معينة من الكتب
الاستماع الى الميتل،لكن المجتمع الي فيه انا واعي وفاهم ،يجيك واحد يقولك وين المتعة في هذي الامور ههههههه طيب وشدخلك انت انا هذي هواياتي مثل ماب هوايتك التصوير او الكرة او و او و او يعني امور كثيرة
طبعاُ كما تكلمت في موضوع سابق انه لما تقعد مع ناس تشاركك هواياتك شي ولما تقعد مع ناس تختلف عن هوايتك شي ثاني.لكن ماعندك حق تنتقد هواياتي بما انها مش عاجبتك.
في النهاية هل انا على خطاء ام على صواب؟؟؟؟±±
ملاحظة: انا ماكتبت الموضوع على شان اني زعلاً ههههه على العكس انا احب غيري ينتقدني بشرط انه يوريني الجانب الخاطىئ ومش على شان ينتقدني لانه الشي الي اسوي مش عاجبه لوووول.
