عرض تريلير AVATAR

http://www.youtube.com/watch?v=2LQkTQ1foSU

تريلير للفلم المنتظر AVATAR للمخرج جيمس كاميرون(مخرج تايتنك)
العرض شكله حلو واتمنى يكون قد اتوقع.
صيغة العرض HD

Had fun once more again

السلام عليكم
اليوم برضو كان ممتع جداً مرة ثانية لكن هالمرة يختلف عن السابق كونه هالمرة قابلت فوق ال١٥ شخص من اصدقائي
هل بآمكانك ان اتسالف مع ١٥ شخص في نفس الوقت؟؟؟!!! لووول طبعاً لا .
كل الي صار اليوم ان تقابلنا في قطعة معينا من الواجهة البحرية بالدمام تخيل من كثر العدد كان كل واحد فينا ينتقل من شخص لشخص يعني مرة تشوف نفسك تسولف مع مجموعة ومرة مع مجموعة ثانية والشي الرائع ان كل شخص هناك هوايته مختلفة
يعني مافيه شي يجمعنا الا القرابة والصداقة. طبعاً لما تجلس مع اشخاص يشاركونك هواياتك يختلف تمااماً عن مجالستك
مع اشخاص غير هواياتك اولهم السوالف. يعني لما تسولف ابواب النقاش تتوسع في كل شي غير النقاش مع الي يشاركونك هوايتك
كونها سوالف محدوده طبعاً تجي اوقات تسالف عن شي خارج هواياتك لكن ترد ترجع مرة ثانية تسالف عن الشي الي جامعكم .
ايضاً لما تجي تسالف.

طبعاً السالفة ومافيها هنا كلها عن الهوايات الا وهيا انك لم تجلس مع ناس هوايتهم مختلفة نهائياً عن هوايتك لم تسالف عن هواياتك
مثلاً الفيديو جيمز او الانمي او المنجا......الخ ، تحس مافيه امل يفهمون شعورك تجاه هذا الشي واعتقد نفس الحالة معاك تحس
مافيه امل تفهم شعور الي معاك مهما وصف لك مدى حبه للشي ، يعني لما انا اجلس مع واحد يشاركني الهواية تحس فيه تفاهم
فيه شي يجمعك معاه على اني نادر اقابل اصدقائي الي يشاركوني هواياتي لكنا فاهمين بعض.
غيرلما تجي مع واحد هوايته تخلف عن هواياتك تطلع سوالف مادري من وين لووول مثلاً يجيك واحد يسالف عن حب ويجيك واحد
يقولك الشخص الفلاني ولا وشصار في الجامعة ولا يجيك واحد يقولك وشصار في الشركة معاه او من المواقف الي صارت له
خلال الاسابيع الي طافت او شي ماشبه ، طبعاً هذا الشي المميز لما تجلس مع اشخاص مختلفين عنك تماماً
يعني تخيل ١٥ شخص ممكن تحصل شخصين بس يتشاركون الهوايات بسسس والباقي مختلف نهائياً
والشي الجميل لما تجي تحاول تقنعهم في هوايتك وشو يميزها وهم نفس الكلام معاك.

السؤال هنا وين ترتاح اكثر لما تجلس مع اصدقاء يشاركونك الهوايات ولا اشخاص مختلفين عنك تماماً؟؟

Life without MAC is shit

السلام عليكم
اكيييد لوسئلت الاغلب منا وقلت له اي نظام من الكمبيوتر تشتغل عليه، اكييد الجواب راح يكون وبكل سهولة وبدون تفكير بقول ويندوز
وبكل فخر....... هممممم......... لو تقوله طيب وراك ماتجرب اليونيكس او الماكنتوش هيع هاع بكل بساطة بقولك النظام خايس
وصعب ومادري وشو يعني اعذاار رهييييبة، طبعاً انا كنت من هذي النوعية متحجر نوعاً ما بس مااقول صعب ولا خايس، كنت اقول
لاتفكر بغير الويندوز واذكر مرة من المرات واحد من اصحابي كان يحاول يقنعني بالماك بوك كنت اقوله مستحييييل مستحيييل
اروح حق هذا الجهاز كنت اقول وشاليميزة عن الويندوز اصلاً وشالدافع الي يخليني اشتري كان يقنعني بسلاست الجهاز وانه فيه
الحماية قوية وان الجهاز نفسه حماية من الفايروسات لكن كنت اقول لا والف لا مستحيل اقتنع فيه، لكن مر الزمن الى July15
كنت اجرب الجهاز في جرير على مايعادل ٢ساعتين تقريباً يومياً وانا كل يوم عن يوم اقتنع فيه اكثر الى ما جا الوقت الي احتاج اشتري فيه جهاز على شان بسافر كندا قلت ماراح اخذ الا جهاز يدوم معايا كنت استخدم HP جلس معاي على مايقارب ٩سنوات p: اتكلم جد كنت مرتاح معاه بشكل موطبيعي، الزبدة قررة اني اخذ الماك صراحة، والله ثم والله ثم والله ان كل يوم يزيد اعجابي باستخدامي للجهاز ياخي تحس بالمتعة لما تشتغل عليه كل يوم وفوق هذا الجهاز سلسل ،البطارية يكفيك انه تتم معاك فوق ال٤ساعات وغير معالج الجهاز وغير شكل الجهاز صراحة شي رائع جداً وفعلاً لما قالو لما تشتغل على الماك مستحيل
ترجع للويندوز.
طبعاً في اعذار ثانية من بعض الشباب راح يقولك البرامج الي تعودنا نستخدمها في الويندوز ماتحصلها في الماك قوله هيع هييين كل اغلب البرامج الي في الويندوز موجودة في الماك لو ماكانت مش موجودة فيه بديل غيرها واحسن منها بعد.
على العموم الان صاري اشتغل على الماك مايقارب ٤شهور صراحة روووووعة.

NYAN KOI ep 2 and ep1

همممم مادري اذا فيه ناس تتابع هذا الانمي لكن شخصياً انا عجبني راح ادخل على طول في الحلقة الثانية لاني شفت الاولى ولالي خلق اكتب عنها وكالعادة دائماً الحلقات الاولى الثلاث في الانمي تعتبر مقدمة من الحلقة الثالثة تعرف نفسك اذا بتكمل الانمي
او بتوقف، ناين كوي الحلقة الاولى والثانية يعتبرون ممتازين والانمي الان موصل ٤ حلقات. القصة تتكلم عن شخص اسمه جينبي كوساكا عنده حساسية ضد القطط في يوم الايام كان جينبي يمشي في الشارع شاف علبة مشروبات فارغة رفسها(جاتها) عطاها بوز p: العلبة ضربة تمثال نيكو جيزو ساما طاح راس التمثال ومنها اصابة جينبي لعنة وصار يسمع كلام القطط ويفهم لهم however , عندهم قطوة بيتهم (بسة بيتهم p:) تعطية مهمات او بالاحرى امنيات حق القطط لازم ينفذ لهم ١٠٠ امنية لو مانفذها
راح يتحول جينبي بنفسه الى قطوة او بسة.

في الحلقة الثانية جينبي يقابل صديقة الطفولة سمياشي والي يصادف انه فيه قطوة/بسة طلبت منه امنية يقولها حق سمياشي صديقة الطفولة لكن يصادف ان سمياشي عندها مشاكل من ايام الطفولة مع جينبي، لكن بعد حدوث عدت احداث نشوف جينبي يتصالح مع سمياشي.

Full metal Alchemist ep29

للي يتابعون فل ميتل الكيميست اول باول، حبيت اتكلم عن الحلقة ٢٩
نوعاً م الحلقة تعتبر عادية جداً لكنها تعتبر افتتاحية للحقات قوية مثل:

مقابلة راث للآدوارد والفونيس ومستنج وتهديد راث لهم راح يخلي ايدورد والجميع على يقضه انهم مايقدرون يسوون اي ويعتبرون محاصرين

ايضاً


مقابلة الدكتور لسكار ومفاجئته كونه قابل واحد من اشيبل يدل على ان الدكنور له علاقة بلحرب الي صارت مع الجيش والاشبليين
وبرضو في نهاية الحلقة نشوف هجوم اسكار على الدكتور بشكل مريع يدل على ان الدكتور صنع اعمال خطيرة ومن ذلك راح نعرف ليش الدكتور حاول يهرب من شغلته


ايضا بنسبة حق لينج ما اعتقد بكل هذي السهولة يسلم نفسه حق قرييد اكييد فيه شي مخباء لنا وبذات لما اعطى ادورد الشريط ولما قاله سلمه حق الخادمة حقته نسيت وش اسمها ولما طلع وعصب على راث وقاله لاتسى فهمنا احنا يالبشر
هذا يدل على ان لينج مخطط على شي ومن توقعاتي انه يخطط انه يسيطر على قرييد


على العموم اعتقد راح يتم ذكر اشيا مهمه عن الحرب

لقطة ظريفة :#

I HAD A FUN

هذ الموضوع راح يكون اول موضوع لي هنا راح اتكلم عن احداث اليوم.
اليوم صراحة كان يوم ممتع كونه يوم ويكند، اليوم وبدون اي تخطيط صديقي الي هو عمي اتصل علي وقالي يالله مشينا البحرين
هممم صراحة ماكان لي نفس لكن قلت وش اسوي اذا رحت هناك مافيه افلام ولاشي وين بنروح وش بنسوي كل الي موجود هناك
موجود عندنا واحسن except السينما لكن قلت خلاص بروح. طبعا لم تجهزة ولبست ملابسي وبعد كم هائل من التهديدات من اصحابي اذا تآخرة راح يمشون علي كوني معروف اني انسان بارد وكل شي على الراحة خلصت كل شي بلمحة بصر،لكن!!!!
المفاجئة الكبيرة اليوم انه مو انا الي اخرهم هالمرة واحد من الشباب الله يهداه اخرنا ساعتين لووول طبعاً انا ماعندي مشكلة.
لكن بعد هذا التآخير غيرة رايي وقلت خلاص ماني برايح طبعاً عمي صارت معاه مشاكل مع اصحابنا الثانيين بسبب انهم غيرو رايهم قالو برضو حتى هم ماراح يرحون العم زعل ليش وماليش لكن المفاجئة الثانية الي هي كبيرة غيرو رايهم مرة ثانية وقال بيروحون مرة ثانية ههههههههه وقالو بيرحون مع شخص ثاني ههههه بدون اي سبب هالمرة عمي سوا معاهم مشاكل اكثر الى
ما قالو له خلاص بنجي وياك دقو علي الشباب على اساس اني اروح قلت لااااع مستحيل اروح، طبعاً الاحداث كبيرة وتحتاج تفصيل اكثر لووول وكل هذي السالفة صارت مابين الساعة ٤ العصر وحتى الساعة ٨ الليل هههههه
الزبدة اني دقيت على احد اصدقائي الثانيين على اساس نطلع، جمعنا كم نفر رحنا عدة اماكن منها الخبر طبعاً طول الطريق سوالف وحش في خلق الله طبعاً مستحيل اركب سيارة وماحط شي اسمعه بما اني ما اسمع الا ميتل واصحابي مايحبونه نهائياً
نجيب لهم اغنية ياباني على شان لاتكون حجه لهم انها اغانية فوضاوية.فاليوم اخترت لهم
Kotako























بعد مسافة الطريق تفاجئنا بالزدحام العارم -ـــ-!




























قعدنا ننتظر كثير.

المهم قعدنا نفكر وين ناكل الى ما وقررنا ناكل في هرفي، كل واحد منا طلب طلبه قعدنا روقنا سولفنا استانسنا.
الطبعً خذة لكم كم صورة حق الاكل الذيذ p:





















بعدها طلعنا اخذنا زقارة واحنا نتمشى قلنا خل نصعد فوق الجسر على شان نروح D.caffee
وانا بطريق شفت انها فرصة مناسبة اني التقط كم صورة من فوق الجسر فا اخذة عدد من الصور.

know who i'm

السلام عليكم شباب همممم ماب عارف من وين ابداء كون هذي المدونة اول تدوينة لي في الBlogger كنت استخدم الوردبريس
لكن طلع خايس لووول على العموم
راح اوضح فكرة هذي المدونة للي حابين يتابعوني، المدونة راح تكون عن الحياة اليومية بتكون بسلوب مذكرة وراح تكون في نفس
الوقت كامدونة اوتاكو راح احاول اخلي كل شي متصل بالانمي والجيمز مع الحياة اليومية امل انه الفكرة تكون ناجحة.

تابعوني

مجرد تجربة ستسمر هذي المدونة كامدونة اوتاكو لايف